FAQ

English | Deutsch

Pushimata Butivar Pushline | FAQ

So Si RomArchive?

RomArchive si kerdo te avel digitalno arxive/arhive pala i art le Romengi. Ekh sajek barjarimasko artisticko kidemos kathar sa disiplinura maj barjardo kathar sikjardimaske tekstura thaj historikalni dokumentura.

Swako sekcija le RomArchiveski avela peski eksperticko ekipa kuratorengi kaj si responsiblo pala le kontentura kaj chuven ande kadi sekcija.

RomArchive chi phenel ke si kompletno, numa dikhel-pe sar ekh sajek barjarimasko platformo kaj sikavel representivitska kidimata. Anda peske kuratime kontentura, moderno paramichimos thaj gogjaver kontekstualizatcija, RomArchive naj jekhfjalo ashajimasko ande astetichi thaj metodologija.

RomArchive si Internacionalno. O skamin le akanipeska projektoska kerimaska organizacijako si ando Berlin. Le Romarchiveske kuratorenge ekipi thaj pesko advisoresko grupo si len internacionalni stafi kastar le maj but kathar lende si Roma.

So Si Le RomArchiveski Vizija?

Ame sikavas Romani Art

So Si Le RomArchiveski Misija?

Vizibiblitate thaj Kanonaki Formacija

Ame kidas sa fjalura art thaj-vi sikjardimaske perspektivura thaj keras kodola viziblo ando digitalno arxivo/arhivo. Prezentis le kulturi le Romenge sar si ekh kotor kathar i historija la lumaki.

Valididate thaj Personalni Presentaciji

Sikavas le diferenciji mashkar paramichimos thaj stereotipura thaj i chachi historija le Romengi sar si prezentime le Romendar kathar chachune faktura.

Inkerimos thaj Romani Direkcija

Ka Romarchive, le Roma lena zurales partija ande sare desiziji. Maj palal kathar peski panzh-bersheski vrama (2015-19), o RomArchive avela chuto ando vast kathar ekh internacionalno Romani organizacija.

So Si Le RomArchiveske Celura?

Digitalimos Artako

Ame Prezentis thaj kontektualizis reprezentivno selekcija kathar le maj bare Romane artake kontributciji.

Amare kuratora keren selecija kathar le maj-pashe dipartmentura; filmo, politika fotografijaki, akanipesko art, teatro thaj drama, muzika, khelimos, literatura thaj Flamenko.

Dimos Zhanimasko I Marimos Protif Stereotipura

RomArchive kerel zhanglimaski materica kaj sikavel le diferenciji mashkar stereotipura thaj chachune realitetura.

Amaro digitalno arxivo/arhivo kerel vizible i art thaj kultura le Romengi ande amare bute-shibango thaj multi-nacionalno arxivo/arhivo sar ekh integralno partija kathar amari kulturalno historija.

Te Avel Inkerimos thaj Permanancija

Ame transferis o projekto ka ekh Internacionalno Romano Soveto/NGO pala peski kerimaski vrama (2015-2012).

So Si Romarchiveske Importantni Prioritetura?

So si Le Romarchivesko Celo?

RomArchivo kamel te avel jekh internacionalno than po Interneto kai kerel viziblo i art thaj kulturi le Romane kulturi thaj historijala intregonja lumate te del muj protif le akanipeske stereotipura kaj sikaven pengi perspektiva pala Romani historija.

Kon Si i Direkcija le Romarchiveski?

E projekteskere participantura – kotar buteder bučakere grupe kote so isi tele-upre 150 akterura 15 thmendar saste Europatar thaj avrijal olatar – save so kerena jekh sasti lumaki drakhin/netvorko katar e artistura, džangle manuša thaj aktivistura, thaj majbaro numero olendar avena katar e romane komunitetura.

Jekh internacionalno ekipa kuratorengi si responsible vash o desenjo thaj kontento ando swako sekcija le arxiveski/arhiveski.

Jekh internacionalno advisoresko grupo inkerel thaj del saveto kaj kurotora. Thaj vi lel sama kathar importantnone projektoske gidake lineji.

Peske membia si artistura, sikjarde thaj aktivistura thaj-vi membria kathar internacionalni Romane organizatciji kaj keren buchi ande art, kultura thaj sikjardimaske rodimos.

I Ekipa telal i direkcija kathar le duj iniciatora Franziska Sauerbrey thaj Isabel Raabe si responsiblo vash le projektoske ko-ordinacija thaj komunikacija.

Thaj-vi lel sama kathar le love kai sas dine kathar le bankazhivura pala o Njampcitsko Federalno Kulturalno Fundacija ando pengo kidemos po angluno djes la Disimbrako 2014, thaj-vi te rodel maj but love kathar jekh tritonja-partijako fundatori.

Kon Shinavel o Kontento le RomArchivesko?

Si le Roma kai keren o kontento ando arxivo/arhivo – sar kuratora, artistura, sikjarde thaj membria ando le projektoske advisoresko grupo.

Le kuratora alosaren o kontento le RomArchivesko.

Hegenomonikitska arxivura/arhivuro sajek sikavenas le Romen stereotipime. RomArchive sikavela le Romane personalni representacija.

Neve narativura aven avri kaj le Romengi heterogenitate ande penge diferentni nacionalni thaj kulturalni identitetura.

I Evolucija Le RomArchivesko

RomArchive sas suportime kathar O Njampcisko Federalno Kilturalno Fundacija desar o bersh 2015.

Sas o Advisoresko Grupo kaj kerdjas kadi desizija ando pesko angluno kidemos po 26 le Junijako ando bersh 2015. Le mai anglune kuratora sas alosarde thaj-vi line-pe te keren buchi.

RomArchive zhala “online” ando januaro 2019 bersh. Maj anglal kathar kadi data, i buchi kaj keren le kuratora thaj o barjarimos le projektosko shai dikjol ando blogo, facebook, twitter (vaj ando analogicko luma) thaj kaj suportivni kulturalni eksibiciji ande but Europitska forura.

Maj anglal kathar o anklimos/plivimos le RomArchivesko i mai bari komunikaciaki kanela avela o blogo kaj sikavel informativni riportura kathar e medija, intervura, debati, literatura thaj dokumentura.

O Projekto zhala zhi-ka o bersh 2019. Maj palal kathar le panzhe-bershesko trajo le projektosko, peske inicijatora Franziska Sauerbrey thaj Isabel Raabe transferila RomArchive ka ekh Europicko Romani organizacija.

So Sas o Origeno Kathar o RomArchive?

I ideja vash Romani Arxive/Arhive avel kathar but rodimos thaj intervura kaj kerdine le duj projektoske iniciatora, Franziska Sauerbrey thaj Isabel Raabe. Won ande penge konsultacija Romane artisturensa, kuratorensa, aktivisturensa thaj sikjardensa ande intrega Europa.

Savore phende ke si amen trubulimos vash ekh than ando Interneto kaj kerel viziblo le Romane kulturi thaj historiji la intregonja lumate te del muj protif le akanipeske stereotipura kaj sikaven pengi perspektiva pala Romani historija.

Save sekciji avena ando RomArchive?

RomArchive avel les specialaizime sekciji pe filmo, politika fotografijaki, akanipesko art, teatro thaj drama, muzika, khelimos, literatura thaj ekh maśkardisciplinarno sekcija sadindi po Flamenko. Aver sekcija sikavel artukula po Romano Civilno Miskipen ande Europa thaj-vi prezentil personalni narativura kathar le Roma thaj Sinti kai xale persekucija telal le Nazistura andi sekcija Holocaust.

Sar Mezil o Romarchive?

I Deutsche Kinemathek – Museum für Film und Fernsehen si responsible pala i teknikalno implementacija le RomArchiveski . Te aresel i intrego luma, o RomArchive avela po Interneto ande but shiba. Opral pe Inglezicka thaj Njampcitcka, vi avela ande Romani shib. Vi avena shaj-vi translaciji ande avre shiba, numa pe kodo trobul ame love kathar le thema kaj vorbisaren kakale shiba.

Le kuratime kontentura, moderno paramichimos thaj gogjaver kontekstualizacija le Romarchiveske kerel les diferentno kathar le statikni databesura ande le estetichi thaj metodologija. Godjaver kontekstualizacija dela kompletno informacija , azhutisarel te hacharel kompleksno interrelaciji thaj kerel maj simplo o hachjarimos kathar i literatura kai sikavel.

O Archivesko estetisticko atraktcija thaj magazunosko stilo Interfacijako kai si la kipura thaj storiji kai sikavel klaro introduciji dena inspirqcija kai ginitora/chitosara te zhanel maj but anda le trejabi kaj si prezentime.

So Kerel Le Advisoresko Grupo?

O Advisoresko Grupo le RomArchivesko si 14 manusha. Inkerel thaj del saveto kaj kuratora thaj-vi alosarel le projektoske gidake-liniji.

So Keren le Kuratora?

Le kuratora alosaren le kontentura le Arxiveske/Arhiveske: alosaren art kathar but disiplinura sar khelimos, filmo, literatura, muzika, teatro thaj drama, akanipesko art, Flamenko, materialo pala i politika fotografijaki, reportura kathar shivinde manusha tela e nacionalno natsisturengo sistemo thaj materialo pala o romano civilno miskipen.

Kon Inkerel RomArchive?

O Njampcicko Federalno Kulturalno Fundacija (KSB) inkerel o RomArchive kathar pesko lovengo suporto kaj si 3.75 milionura Euro. Kadi phenel ke jekh kathar le maj publikickone Europicka Fundacija lel sama kathar le Romen, o maj baro minoriteto ande Europa. Thaj-vi prindjarel o barvalimos kathar amari phurikani kultura thaj kerel buchi te avel mai prindjardi ande maj bari luma.

Te Dikhas ke jekh Njampcitcko Federalno Institucija del angali pala kasavo si importantno kana dikhas i Njampcitcko genosida le Romengi kaj mudardile maj but sar 500.000 Sinti thaj Roma. I Europicko Kulturalno Fundacija thaj o Kentralno Konsilo vash Njampcicka Sinti thaj Roma sas advisora ande angluni formacija le Arxiveski/Arhiveski.

O Goethe Institut dela suporto pe buchi so kerela o RomArchive thaj dela suporto vash e arakhipena.

I Njampcitcko Federalno Adjencija vash Civilno Edukacija thaj-vi i Federalno Ofiso vash Strancura den amange suporto. O RomArchive zumavela te avel inke maj but love kathar avre fundatoriji.

So Pasil-pe Kana o Projekto Del Gata?

Le projektoske organizatoriji tela kodi implimentacija le RomArchiveski si sauerbrey | raabe gUG.

Maj palal kathar le inicialne panzhe-bershesko trajo le Archivesko, le projektoske iniciatoriji, Isabel Raabe thaj Franziska Sauerbrey pala kodo i responsibiliteta vaš o RomArchive ka del nesave Europtne Romane Organizacijake, so ka ovel vakerdini kotar o godideibasko bordo.

Te kerel maj simplo kado parudzhimos o Njamptcicko Federalno Adzhencija vash Civikno Edukacija sa-gata djas vorba te del redakcijako inkerimos pala panzh bersh maj but, kadi te kezdil ando bersh 2019.

Tut trubul maj but informacija?

Kher kontakto mailesa: mail(at)romarchive.eu

Medija & Komunikacija | Denhart v. Harling: press(at)romarchive.eu

Dikhen RomArchive vi po Facebook: facebook.com/RomanoArchive thaj vi po Twitter: twitter.com/RomArchive

SO KAMES TE DIKES AKANA?

palpale kai o BLOG

MAJ BUT INFORMACIJA PALA O PROJEKTO:

About | Pala Ame
FAQ
Press-aki Area
Projektske Manusha & Arxiveske/Arhiveske Sekciji
Etiki Gidake-Liniji
Kidimaski Politika
Sponsora | Partnera
Privacy Statement
Imprint | Impressum