Deutsch | English

 

Arxiveski Sekcija po Meśkipe vaś Romane Forutne (Civilne) Xakaja / Arhiveski Sekcija Romano Civilno Miskipen

Kadaja akademikani sekcija vaś o Arxivo/Arhivo sikavel e decadengi lungo istorija vaś o meśkipe vaś romane forutne xakaja, savo si vaźe zalaga (hanci) pindźardo. Vov resdel (cilil) te phenel e korkoro-ramosardi istorija vaś o meśkipe vaś romane forutne xakaja ande sasti thaj avrjal e Europa, kaj akcentiril e rolja savi korkoro e romane subektura khelde ando o maripe aśal e emancipacija vaś romane perave (komune). E Sekcija vaś o Meśkipe vaś romane forutne xakaja ka dokumentiril o merśkipe vaś romane forutne xakaja, thaj demonstril o śerutnipe, sadipe thaj visija vaś romane keravne (akrorja) sar protagonistikane thaj aktivne agentura vaś pharuvipe, thaj kontekstualizirin lenge godja thaj akcije. Ande intervjutura thaj esetura, e kuratorja sikaven vastne figure thaj centralne aćhila (eventura) vaś o meśkipe vaś forutne xakaja. E arxiveski sekcija koncentriril pes geografikaneste po Njamco, Śvedo thaj Norvegija, Finlanda, Romanija, Ungriko Them, Polonija, o Kidindo Thagaripe thaj Espanija; e cikne esetura ka thon andre i e istorija vaś o romano aktivizmo ande Franca, Xoraxanipe (Turkija), Australija, Bulgarija, Italija, Kosovo, e Amerikake Kidinde Śtatura thaj Kanada, Rusija thaj Latino Amerika, maśkar aver. Maj aver teme thon andre o politikano aktivizmo vaś romane źuvlja, romano terno aktivizmo, meśkipe vaś migracijaki śkolaki desegregacija, istorikano vortope (źustija) thaj o maripe mamujal o anti-gypsyismo; thaj e istija vaś o Maśkarthemutno romano meśkipe.

Kuratorja
O Dr. Thomas Acton, sociologisto, o Kidindo Thagaripe
E Dr. Angéla Kóczé, sociologista, Ungriko Them
E Dr. Anna Mirga-Kruszelnicka, antropologista, Polonija
O Dr. Jan Selling, istorikano, Śvedo

Koordinatora
O Dr. Adrian Marsh, Rodavno ande romane sikavipenata, Śvedikano Rodipenasko Instituto ando Istanbul, Xoraxanipe (Turkija)

Bukjarno Grupo
O Jorge Bernal
O Mensur Haliti
E Dr. Jana Horváthová thaj Karel Holomek
O Dr. Hristo Kyuchukov
O Ron Lee
O Dr. Jean-Pierre Liegois
E Dr. Margareta Matache
O Dr. Ciprian Necula
E Dijana Pavolvic
O Dr. Niko Rergo
E Dr. Erika Thurner

 

Blogoske publikacije katar e Arxiveski/Arhiveski Sekcija

Upraldikhipe pe e Arxiveske/Arhiveske Sekcije

 

SO KAMES TE DIKES AKANA?

palpale kai o BLOG

MAJ BUT INFORMACIJA PALA O PROJEKTO:

About | Pala Ame
FAQ
Press-aki Area
Projektske Manusha & Arxiveske/Arhiveske Sekciji
Etiki Gidake-Liniji
Kidimaski Politika
Sponsora | Partnera
Privacy Statement
Imprint | Impressum