English | Deutsch
Membro kathar o Advisoresko grupo
,,I art kathar Moritrz Pankok shinavel rajkane kerdine alternativura ka ekh trajo ando socialno khajlimos.”
Dr. Angela Dimitraki, articko historiana
Jobst Moritz Pankok si Njampcicko senografisto, direktori, kuratori thaj finicko artisto.
Si interezhime ande articka projektura kaj si socialnone cirdimaske kaj si butivar konektime kaj Sinti thaj Roma.
Wo si artisticko direktori thaj funditori kathar i maj angluni permanentno galerija vash akanapeski art kathar le Sinti thaj Roma kaj bushol-pe Galarie Kai Dikhas ando Berlin kaj reprezentil mashkar avre eksibiciji, le Britishickone artisticko brachno paro, Damian and Delaine Le Bas.
Vov si ekh kotoravno (membro) vaś o śerdipenasko kolektivo vaś e teatroski asociacija “TAK Theater Aufbau Kreuzberg” kaj prezentil mashkar avrende, wuni articka projektura kathar i MENA regija telal o titulo “Primoverake Sikjarimaske Chasura”.
O Pankok si thaj-vi dujto-sherutno kathar o grupo “Artists 4 Change – Artistura pala Parudzhimos” thaj dujto-sherutno kathar o “Otto-Pankok – Art Foundation” kaj lel sama kathar o “Otto-Pankok Museum” – Arxivo thaj estancija/jorsago.
* 1974, senografisto, kuratori, finicko artisto, komedjash, direktori; bijando ando Mülheim an der Ruhr. Sikilo ando Liverpool Institute for Performing Arts – Liverpuleski Institucija vash Le Komedijaske Arta, Performanciako Desenjo (BA) thaj Central Saint Martins, London & Seville, MA Senografija.
Sas dino Ruhrpreis für Kunst und Wissenschaften der Stadt Mülheim an der Ruhr 2004, thaj-vi vash peske galerijako projekto Galerie Kai Dikhas thaj-vi ku “Premio de la Cultura Gitana 2016” – Negrada kathar la Shpaniolickonja-Romani Kultura 2016, Instituto de la Cultura Gitana/Madrid – Institucija kathar La Shpaniolickonja Romani Kultura/Madrid.
Pankok beshel mashkar o Njampcicko Kapitalo Berlin , peske kheresko gav Mülheim thaj Grecja.
Desar 20 bersha, Pankok kerelas buchi ande but projektura kaj azban i kultura kathar le minoritetura, Sinti thaj Roma. Anglunes sas direktori ande peska ternipaska teatraki kumpanija “Chingarol o Basno” ando nashadengo kampo ando peske kheresko gav, Mülheim.
Maj palal wo sas o kuratori pala ekh articko festivalo vash le Sinti thaj Roma ande UK (Anglija) kaj busholas “BARO ZHIRO – BIG TIME FESTIVAL.”
Kadi kerdjas kontribucija vash o GTR History Month UK – GTR Historijako Shon ande Anglija kaj ande la Anglijate muzikake bandi/orkestri sar “Fanfare Ciocarlia, Gypsy CZ vaj Kal te zhan po drom ande Anglija. Wo sas stenako desinatori kathar o mishto-zhanglo “Roma Theater Phralipe” (Mülheim/Cologne/Skopje).
O Pankok kerdjas buchi sar desinatori thaj dramatisto vash i produkcija “The Devouring – O Porajimos kaj azbalas o Holokosto protif le Sinti thaj Roma vash o TAK Theater im Aufbau Haus.
Mashkar le bersh 2013 thaj 2015, o Pankok kontributisardjas kaj le mimorialni eventura vash o “Dujto Avgusto” ka o monumento vash le Sinti thaj Roma kaj sas mudarde telal le Nazistura ande Europa.
O Pankok direktisardjas wuni teatrake produkciji: (“Ritualura, Semnura, Tranformacija” kathar o Sadallah Wannus, po drom ando Iraq ando Marto 2014 (TAK Theater Aufbau Kreuzberg), “Schliebfächer,” “AZYLFAIR – So chachunes pasajlo le Akifesa?” – ekh sijenticko-fikcionickonja dokumentaricko produkcija anda le Romane thaj Non-Romane nashade, “BUNKER”(Theater Luft, Oberhausen) thaj kerdjas buchi sar stenako desinatori vash wuni teatrake kumpaniji thaj produkciji inkjal o Njampco.
O Moritz Pankok si le paposke phraleske shavesko nipoto kathar o Njampcicko artisto, Otto Pankok (1893—1966).
Wo si sherutno kathar le Otto Pankokeski Fundacija kaj lel sama kathar le Otto Pankokesko Muzako kaj arakhel-pe ande themeska barokicko avlin ando Hünxe Drevenack.
Wo sas kuratori vash but eksibiciji kathar i buchi le Otto Pankokeski, vash egzemplo ande Praxa, Londono, Budapeshti thaj wuni lokaciji ando Njampco.
O Pankok si editori kathar i katalogicko serija “Kai Dikhas – Place To See” Katalogo kaj del duma anda i akanipeski art kathar le Sinti thaj Roma thaj le artistura kathar i Galerija Kai Dikhas thaj wo si dujto-editori la kenvako “O KALO PHANI – THE BLACK WATER” – ekh mimorialo kaj Sinti thaj Roma kaj sas mudarde telal le Nazistura ande Europa.
So kames te dikes akana?
palpale kai o BLOG