Photo: Jürgen Keiper
Deutsch | English

 

Amara Bi-Sigurnonja Historikalni Herencija – Diskriminacjaki thaj Rasisticka Materialura ande Arxivimaski/Arhivimaski Prakcija

Jürgen Keiper

 

Te nas phare dosta amenge te dokumentis e historija sare peske kontradikcijansa, kulturalni heritancijake organizaciji musaj te den faca kaj buchi/zadato kaj mora te keren ekh policija kaj lel sama kathar e maj zurali socialni dispozicija/hachjarimos. Kadi azbal specialnones kaj diskriminacjake thaj rasisticka gindimata kaj arakhen pengo drom ande arxiveske/arhiveske dokumentura. Musaj te kidas kadale dokumentura de vuni manijera? Thaj te kidas len, so musaj te keras lensa? Thaj musaj te swagdar prezentis len ka o publiko? Thaj te prezentis kadale dokumentura, sar shaj prezentis len ande godjaver manijera kaj sikavel penge intenciji/celura numa chi zurjavel/chachjarel len?

O “bagazho” kathar amare politiklalnone kulturalno heritancija si ekh trejaba kaj azbal swako mal/than kathar historikalno dokumentacija. Numa kana azbal le RomArchivesko projekto si les but fundamentalno importancija. Na feri si azbajimasko materialo pe sistemikicko persekucija kathar le Roma thaj le Sintura telal o Nacionalno Socializmo, thaj-vi si e bi-sistematikicko diskriminacija thaj persekucija kaj egzistilas desar kentura. Anticiganisticka patretura, intencionalno vaj nichi, thaj-vi arakhen pengo drom ande akanipeske dokumentura.

Kadi kerel dosta razlogo te das faca anda so si kadale diskriminacijake dokumentura, vash egzemplo, fotura thaj artikula, che afekta sas len, thaj save mekanizmura avile pe swako riga ando kado komunikacijako procheso, Thaj-vi shpidel amen te pushas amendar so kerel o RomArchivo kasko fokuso si fundome pe personalno-reprezentacija kathar le Sintura thaj le Roma mora te barjarel pesko kidimaske, haznake thaj publikacijake prakciji.

Ame kerdjam desizija te pushas avre arxivendar anda kado tematikno hamimos/komplekso. Kerdjam kontakto vuni avre arxivurensa kaj kerenas buchi kadale trejabansa kathar ekh but diferentno kidimos kathar perspektivura. Pe jekh vast mirisajlam/chudisajlam te dikhas le diferenciji ande penge prakciji, thaj pe kaver vast, te dikhas sar won sas but interezhni te vorbin amensa ande kethanipeski diskusija pe kadi trejaba. Pe Novemro 11, 2016, reprezentantura kathar but arxivura kathar but departmentura kerdine participacija ande diskusija kaj ljas than kaj Deutsche Kinamathek:

Dr. Michael Hollmann sas o reprezentanto kathar Le Njampcickone Federalno Arxivo, o Thomas Jandar thaj e Carola Jüllig sas reprezentantura kathar o Deutsche Historisches Museum thaj o Dr. Rainer Rother reprezentilas o Deutsche Kinamathek – Museum für Film und Fernsehen. O Dr. Aubrey Pomerance reprezentilas o Zhidovicko Muzako ando Berlino thaj o Hannes Hacke thaj e Katja Koblitz reprezentinas o Schwules Museum*. O Wolfram Lippert reprezentilas le Dikhimaske Historijako Arxivo kathar la Shovaki Fundacija kaj arakhel-pe kaj FU Berlino thaj o Maren Jung-Diestelmeier thaj e Irmela Roschmann reprezentinas o Kentro vash o Rodimos pe Anti-Semitizmo (ZfA).

Dr. Michael Hollmann, Le Njampcickone Federalno Arxivo/Arhivo

O RomArchivo sas reprezentime pa le Projektoske Manadzheri Isabel Raabe thaj Franziska Sauerbrey. Thaj-vi o Kirsten Haß reprezentilas La Njampcickonja Federalnonja Kulturalno Fundacija thaj o Deutsche Kinemathek sas reprezentime pa e Christiane Grün, o Jürgen Keiper thaj e Nele Maipuu. Avre participantura inkluzhinas o Dr. Gerhard Baumgartner (Dokumentacijako Kentro kathar e Bechicko Rezistencija – DÖW), e Dr. Christiane Fennsz-Juhasz (Vienna Phonogrammarchiv) thaj o André Raatzsch (Dokumentacijako Kentro kathar Le Njampcicka Sintura thaj Roma), le maj-palune kastar kerdine participacija ande dongi funkcija sas reprezentantura thaj projektoske participantura.

André Raatzsch, Dokumentacijako Kentro kathar Le Njampcicka Sintura thaj Roma

Tela o diskuciako kidemos/vorkshapo avilo jazno ke le diferentnone kulturalnone herencijake organizaciji sas len but diferentni kidimeske konceptura. Vuni organizaciji sas len ekh but phuterdja kidimaski policija ando than. Pengo razlogo sas ke politikalni vaj pakivale lopundzhimata kerelas ande wurma ekh bangjardo historijakalno patreto – numa won mekle prinzharde ke nashtisavol te kiden sja thaj-vi ke generalnone kuratorialni principalura (awtenticiteto, azbajimos, ke-kola) sas vazhni/importantni. Avre reprezentantura phendine ke chi kidine diskriminatcijake materialura te oprin/ashaven ke ankolime materialura shaj aven o fokuso.  Pale, zurales avilo jazno ke rasisticka vaj diskriminaciake dokumentura – nitala kasave dokumentura cirdine dzhungali faca/shaj dikhjon xoljasa kathar le instituciake kidimaski policija – maj sig vaj maj palal arakhenas pengo drom ande sa le kidimata. Kadi avel-pe ande maj bari partija anda herenciji/inheritenciji. Kakale herencime jorsagura pasha sajek si len dokumentura ande penge kidimata kaj chi ampochisavon kaj kidimaske principalura kathar le instituciji, numa kadale dokumentura na musaj te aven “hulade” pala godo razlogo. Anda kodeja si sajek vuni dokumentura ando swako arxivo kaj si pe o maj xansi etiki, te na legalni, problematikalni kana avel kaj bi-lopundzhime rodimos.

Maj-do-gata/pashte yekhfjalo konceptura si ando than vash e hazna kathar kadale problematikalni materialura ande le arxivura. Kadale lopundzhimata inkluzhin bershenge lopundzhimata vash legalni lopundzhimata. Vash egzemplo feri zhene maj phure kathar deshuxto bershengo shaj dikhen kasave dokumentura. Thaj-vi si policiji kaj chi meken o dimos-andre kaj dosharimaske dokumentura. O dimos-andre si dino feri telal vuni kondiciji thaj kadale kondiciji te lel dimos-andre si zurales dini jakh. Ande specialni sluchaja mangimata vash o dimos-andre naj dino. Numa te thas/chuvas lopundzhimata po Interneto kathar sensetivni dokumentura si maj pharo amenge te aresas.

Katja Koblitz, Schwules Museum*

Numa so musaj te keras kana avel kaj publikacija kathar diskriminacijake dokumentura? Sar shaj keras diskusija anda wareso te na kames te sikaves les? Te prezentis ekh narativo kaj si kontradikcija bi te suportis les la historijasa kathar le produktime kipura phutrela o vudar te cirdas/akharas vakimata. Si duj gogjaver manijeri te aresas kothe: kontekstualizacija thaj dekonstrukcija. Manaj arxivo kaj kamel te thol/chuvel lumjako dimos-andre savorenge po Interneto kathar arxivime kontento kaj si problematikalno, E sloga falilas te avel kaj sas absolutno importantno te kontekstualizis kasave dokumentura, nitala nashtisajlo te ashavas bi-lashi hazna kasave dokumentendar. E debata kaj azbalas e dekonstrukcija kathar le dokumentura sas maj kontroversijalno finke te keras kadeja peravelas pengo awtenticiteto thaj-vi zhal kontra kaj ekh fundamentalno arxivimasko prinsiplo. Ande vurma, ashelas te dikhjol dali sas posiblo te aresas kaj o preferime celo, kadi si te phendjol dali kasave kipura si lashe te sikavel. Ande but sluchajura intencionalni prakciji butivar sikaven-pe te aven kontra-produkivni,

Ande vurma, le participantura sas de akordo te meken dimos-andre kaj diskriminacijake kipura aresel kaj xasarimos kontrolestar kaj nashtis te las palpale. Kana kadale kipura si po Interneto shaj dikhjon pe swako riga pa savore ande lumja. E voja te sikaves wareso bi te mekes les te anklel si kontradikcija kaj naj les atweto kaj kam-trobul maj but diskusija – thaj ande vurma ekh desizija. E konseptualno dilema si dino anglal pa e eksperiencija kathar le pushline arxivistura. Sas egzemplura kana sensetivni arxivime dokumentura sas kerdine nasul, numa won kaj kerdine hazna kathar kasave dokumentura sas len diferentni motivura thaj razlogura kaj nas jekhfjalo thaj pengi dab nas bari djela.

E diskusija mashkar le arxivura kaj kerdine participacija, kaj kezdisardjas o RomArchive kadala funkcijasa dikhjolas pozitivnones pa le participantura ando diskusijako kidimos/vorkshapo. Savoro sas de akordo ke le kethanipeski diskusija pe kadale trejabi mora te zhal angle.

So si le konsekwenciji?

Le RomArchivesko projekto dikhel kritikalni arxiveski prakcija sar importantno angluni-nevoja te opril/ashavel maj but diskriminacija karing Sinturende thaj Romende. Le rezultetura kathar le diskusiji sas kidine and’ekh than te kerel ekh kidimaski policija vash RomArchive thaj sas thodine/chutine and’ekh maj-paluno policijako dokumento/papiri kaj sas kethanipeskones kerdo pa le advisoresko grupo thaj le RomArchiveske kuratora, O maj importantno elemento kathar o dokumento/papiri akharel vash o lopundzhime dimos-andre kaj le kutaresko “andruno arxivo, ”  savo kaj si les  maj but kathar xasardo/hulado materialo, thodino/chutino ando than pa le kuratora numa na selektime te zhal po Interneto, shaj-vi te inkluzhil anticiganisticka materialura. Kado konstrukto si kerdo te pherel le akademikicka mangimata kathar ekh arxivo thaj-vi te aresel o kulturalno thaj o politikalno interezhno kathar personalno-reprezentacija.

Romani Translacija: Ron Lee

 

O Jürgen Keiper si medijako eksperto kaj kerel buchi kaj Deutsche Kinemathek – Museum für Film und Fernsehen, kaj wo si responsiblo vash, inter alia, pala i teknikalno implimentacija le RomArchiveski.

 

SO KAMES TE DIKES AKANA?

palpale kai o BLOG

MAJ BUT INFORMACIJA PALA O PROJEKTO:

About | Pala Ame
FAQ
Press-aki Area
Projektske Manusha & Arxiveske/Arhiveske Sekciji
Etiki Gidake-Liniji
Kidimaski Politika
Sponsora | Partnera
Privacy Statement
Imprint | Impressum