SR-RomArchive-Logo_Untertitel-gelb
ENGLISHDEUTSCH

 

Europako Romano Instituto vaš Arti thaj Kultura (ERIAC) si selektirimo te ikherel e RomArchive – Romano Digitalno Arxive/Arhive

 

Vaš e Lumakire Romengo Dives 8-toto Aprilo, o RomArchive – Digitalno Romano Arxivo/Arhivo thaj Europako Romano Instituto vaš Arti thaj Kultura (ERIAC) khamen te havljaren pengi majodorutni kooperacija/khetanutni bući. Pe majphaluno bordesko khidipe/arakhipe, o RomArchive selektirndas e Berlin-bazirime ERIAC-es majdur te ikherel e RomArchive. ERIAC-esko Pakiv Bordo si lošalo vaš kodi decizija thaj khamel te astarel diskusijasar pe kodo, sar thaj save dromencar ka nakhel kodi decizija/responsibiliteta kotar jekh pe javer rig. O RomArchive ka sikavel thaj phutrel e internacionalno arhivako website ko januaro 2019 berš. Pala kado, o online projekto ka ovel institucionalizirimo: E soduj projektoskere inicijatora, i Isabel Raabe thaj Franziska Sauerbrey, pala kado, e responsibiliteta vaš e arhiva ka den ko ERIAC, savo so majodorig ka buhljarel thaj ka zurarel e arhives.

RomArchive – si kerdono kotar e Germanijaki Kulturalno Fondacija – savo si majbaro kulturalno projekto kotar e Roma vaš e Roma, savo so ikerela pes dži pe principo “Romano Legaripe” savo so konstantno implementirinela pes. E projektoskere participantura – buteder bućarne grupendar, genena paše 150 manušen kotar 15 Europakere thema thaj avrijal olatar – so keren jekh lumaki drakhin/netvorko katar e artistura, džanle/sikle manuša thaj aktivistura, save so avena kotar e Romane komunitetura. E Roma si pe sa e arhivake klejakere pozicije: sar kuratorura pe deš arhivakere sekcije thaj si vi ande internacionalno/maškarthemutno bordo savo so dela ažutipe/suporto vaš e kuratorura thaj dena e strategijakere droma vaš o projekto. Kana astardas pe kadale bućasar, e projektoskere incijatorura planirinde te keren transfero e RomArchive ki Europaki Romani organizacija, pala pandže beršeski faza vaš keribe. E Germanijaki Federalno Agencija vaš Civilno Edukacija, dijas suporto/ažutipe vaš e menadžeribasko menažiribe ano RomArchive vaš avutne panč berš astarindoj kotar 2019-to berš thaj dureder.

Vaš ERIAC

E Europako Romano Instituto vaš Arti thaj Kultura e.V. (ERIAC) si khetanutni inicijativa kotar Europako Konsilo, Phutarde Themeskere/Societakere Fondacije thaj e Romane Liderongi inicijativa – i Alijansa vaš Europako Romano Instituto. ERIAC si asocijacija registririmi teli e Germanijako kanuni/zakono ko 7-to juni 2017-to berš ano Berlin, Germania/Njamco.

O ERIAC egzistuil te vazdel e Romengo paćaibe an korkori peste thaj te teljarel/harnjarel e negativno prejudicijen katar e mažoritetaki populacija mamuj e Roma trujal o arti, kultura, historija thaj mediumija. O instituto si sar jekh interancionalno kreativno umal/than savo so dela ažutipe/suporto vaš te ulaven pes e idije trujal e granice, kulturaki sfera thaje Romengere identiteura, promovirindoj aktiviteton katar e šela thaj šela Romane organizacije, intelektualcura thaj artistura, te šaj te keren pe multilateralno inicijative thaj regionalno alijanse. Khamel te kerel advokacija pe Romengi kontribucija pe Europaki kultura, sar vi te dokumentirinel e historikane eksperienca save so isi e Romen ande sasti Europa. ERIAC egzistuil te ovel komunikatoro thaj manušengo edukatoro, te bičhavel pozitivno imidžo thaj informacije vaš e Romane manuša vaš dijalogo thaj vazdipe khetanutno respekto vi haljovipe.

Butreder informacije ko: eriac.org

 

SO KAMES TE DIKES AKANA?

palpale kai o BLOG

MAJ BUT INFORMACIJA PALA O PROJEKTO:

About | Pala Ame
FAQ
Press-aki Area
Projektske Manusha & Arxiveske/Arhiveske Sekciji
Etiki Gidake-Liniji
Kidimaski Politika
Sponsora | Partnera
Privacy Statement
Imprint | Impressum